TransLiteral
वास्तुशास्त्र हा केवळ एक श्रद्धेचा भाग आहे. एक उदाहरण घेऊ - रोज आपण एका रस्त्याने जात असतो, दिवसा किंवा रात्रीही. आपण अजिबात घाबरत नाही. पण समजा एके दिवशी कोणी आपल्याला सांगीतले की इथे भूत आहे मग मात्र आपल्याला त्या रस्त्याने जायला भिती वाटते. जोपर्यंत आपण वास्तु पहात नाही तोपर्यंत कांही नाही पण जर एकदा वास्तु पाहिली आणि कोणी सांगितले हा कोपरा दिशेत नाही तर लगेच मनांत भिती उत्पन्न होते आणि कांहीही अशुभ घडले की वाटते त्या दिशेतील दोषामुळेच घडले. वास्तु पाहतांना जर त्या घराच्या मालकाच्या पत्रिकेत दोष असेल तर? आणि पत्रिकेतील ग्रह उत्तम आहेत आणि वास्तुत दोष असेल तर? या सर्वांची गोळाबेरीज काय? साधारण वीसेक वर्षांपूर्वी वास्तुशास्त्र पहात नव्हते. दहा बाय दहाच्या खोलीला कसले वास्तुशास्त्र? त्या घरातील कुटुंबाची प्रगती झालीच नाही काय? इतर धर्मात वास्तु पहात नाहीत मग त्यांचे काय?
हा फक्त श्रद्धेचा भाग आहे.